یہ آدمی اس 4 سالہ بچی کو کہاں لے کر جارہا ہے؟ جواب ایسا غیر اخلاقی اور خوفناک ترین کہ پورا ملک ہل کر رہ گیا
بھارت میں ایک درندہ صفت انسان نے 4سال کی معصوم بچی کو جنسی زیادتی کے بعد موت کے گھاٹ اتار دیا۔ میل آن لائن کے مطابق واقعے کی ایک ویڈیو منظرعام پر آئی ہے جس میں ملزم اس بچی کو اپنے ساتھ لیجا رہا ہوتا ہے۔ بتایا گیا ہے کہ یہ واقعہ بھارتی ریاست ہریانہ کے قصبے اساﺅتی میں پیش آیا۔ 24سالہ ملزم ویریندر عرف بھولو اسی بچی کے باپ کی مٹھائی کی دکان پر ملازم تھا، چنانچہ بچی اس کے ساتھ مانوس ہو گئی اور اس نے اسی بات کا فائدہ اٹھاتے ہوئے اسے اپنے ساتھ اپنے گھر لیجا کر جنسی زیادتی کی اور پھر چھری کے پے درپے وار کرکے اسے قتل کر دیا۔
رپورٹ کے مطابق ملزم نے بچی کو قتل کرنے کے بعد اس کی لاش گھر میں ہی ایک کنٹینر میں چھپا دی اور واپس پورے اطمینان کے ساتھ دکان پر جا کر کام کرنے لگا۔ جب ماں باپ کو بچی کی گمشدگی کا احساس ہوا اور انہوں نے اس کی تلاش شروع کی تو یہ شیطان صفت انسان بھی ان کے ساتھ مل کر بچی کو تلاش کرنے کا ڈرامہ کرتا رہا۔ یہ شخص اس وقت شک کی زد میں آیا جب اس
کے ہمسایوں نے بچی کے ماں باپ کو بتایا کہ انہوں نے بچی کو اس کے ساتھ جاتے ہوئے دیکھا تھا۔ رپورٹ کے مطابق پولیس نے ملزم کو گرفتار کرلیا ہے اور اس سے تفتیش جاری ہے۔ بچی کی لاش بھی ملزم کے گھر سے برآمد کر لی گئی ہے۔