5 ہزار روپے کی ٹکٹ خرید کر میچ دیکھنے کیلئے آیا یہ شخص 500 روپے والی ٹکٹ خریدنے والوں سے کیا کہتا رہا؟ ویڈیو نے سوشل میڈیا پر ہنگامہ برپا کر دیا، ہر کوئی برا بھلا کہنا لگا کیونکہ۔۔۔
پاکستان اور ویسٹ انڈیز کے درمیان دوسرے ٹی 20 میچ کے دوران بھی وی آئی پی کلچر کی ایک جھلک اس وقت نظر آئی جب 5000 روپے کی ٹکٹ خرید کر میچ دیکھنے والا شخص 500 روپے کی ٹکٹ خرید پر سٹیڈیم میں بیٹھے افراد کو مخاطب کر کے غیر اخلاقی نعرے لگاتا رہا۔
سوشل میڈیا پر وائرل ہونے والی ویڈیو میں دیکھا جا سکتا ہے کہ 5000 روپے والی ٹکٹ خرید پر سٹینڈز میں بیٹھا شخص 500 روپے والی ٹکٹ خریدنے والوں کو مخاطب کرتے ہوئے ”شاباش غریبو، شاباش غریبو“ کے نعرے بلند کرتا رہا اور اس سے بھی زیادہ افسوسناک بات یہ ہے کہ اس کیساتھ بیٹھے دیگر لوگ بھی اس نعرے پر شور و غوغا کر کے خوشی کا اظہار کرتے نظر آئے۔
یہ ویڈیو سوشل میڈیا پر وائرل ہو چکی ہے اور صارفین کی جانب سے ملے جلے جذبات کا اظہار کیا جا رہا ہے لیکن زیادہ تر افراد نے مذکورہ شخص کو تنقید کا نشانہ بناتے ہوئے کہا کہ کوئی بھی شخص پیسوں سے نہیں بلکہ اپنے اخلاق اور کردار سے امیر اور غریب ہوتا ہے۔