آدمی کو کوکا کولا کی بوتل میں کچھ ہلتا محسوس ہوا، کوک نکال کر دیکھی تو اندر کیا غلیظ ترین چیز تھی؟ آپ کبھی خوابوں میں بھی نہیں سوچ سکتے، دیکھ کر ہی توبہ کرلیں گے
کوکاکولا بہت معروف مشروب ہے اور بہت سوں کی پسند ہے لیکن جنوبی امریکہ کے ملک ارجنٹینا سے کوکاکولا کی بوتل سے ایک ایسی چیز نکلنے کی ویڈیومنظرعام پر آ گئی ہے کہ دیکھ کر ہی قے آنے لگے۔ میل آن لائن کے مطابق ارجنٹینا کے شہر فریئر میں پیریرا نامی ایک آدمی نے کوکاکولا
کی ایک بوتل خریدی۔ جب وہ گھر لا کر اسے کھولنے لگا تو اسے بوتل کے اندر کسی عجیب سی چیز کی موجودگی کا شائبہ ہوا، اس پرپیریرا نے کیمرا آن کیا اور ویڈیو بناتے ہوئے اس سیل بند بوتل کو کھول کرمشروب ایک برتن میں انڈیلنا شروع کر دیا۔
جب بوتل سے تمام مشروب برتن میں چلا گیا تو بوتل میں ایک ایسی چیز باقی رہ گئی کہ کوئی سوچ بھی نہ سکتا تھا، یہ ایک بڑے سائز کا مرا ہوا چوہا تھا، جس کا جسم گل سڑ چکا تھا۔ ویڈیو میں پیریرا کہتا ہے کہ ”تو بوتل میں یہ چیز تھی، اس چوہے کا جسم گل سڑ چکا ہے اور اس کے بال پوری بوتل میں چپکے ہوئے ہیں اور مشروب میں بھی موجود ہیں۔“ اس ویڈیو پر کمنٹس میں پیبلو
ایکوئینو نامی ایک شخص کا کہنا تھا کہ ”میں اس طرح کی ایک ویڈیو پہلے بھی دیکھ چکا ہوں۔“ سوشل میڈیا پر اس ویڈیو کو ایک ہزار سے زائد بار شیئر کیا جا چکا ہے اور 30ہزار سے زائد لوگ اسے دیکھ چکے ہیں۔ رپورٹ کے مطابق تاحال اس معاملے پر کوکاکولا کی طرف سے کوئی ردعمل سامنے نہیں آیا۔