جب شہر کے امیر ترین شخص کی بیوی نے فقیر سے شادی کرلی ،قدرت کا ایسا انتقام کہ ہر کوئی ایسا عمل کرنے سے گبھرائے گا

اللہ بے شک ظالم اورمتکبر کو فلاح نہیں دیتا ۔جو لوگ غریبوں اور ناداروں پر ظلم کرتے اور دھتکارتے ہیں ایک دن خود اللہ کی مشیت انہیں اس مقام پر لاکھڑا کرتی کہ دنیا انکو ٹھوکریں مارتی ہیں ۔امام جوزی ؒ نے ایک واقعہ بیان کرتے ہوئے لکھا ہے کہ کس طرح اللہ کو یہ بات ناگوار لگتی ہے کہ کوئی کسی مستحق اور نادار کی مدد نہ کرسکے اور اسکو زدو کوب کرے تو اس پر اللہ کا قہر نازل ہوتا ہے ۔وہ بیان کرتے ہیں کہ اصفہان کا ایک بہت بڑا رئیس اپنی بیگم کے ساتھ دستر خوان پر بیٹھا ہوا تھا دسترخوان اللہ کی نعمتوں سے بھرا ہوا تھا۔ اتنے میں ایک فقیر نے صدا لگائی ’’ اللہ کے نام پر کچھ کھانے کے لیے دے دو‘‘

اس شخص نے اپنی بیوی کو حکم دیا ’’ سارا دستر خوان اس فقیر کی جھولی میں ڈال دو‘‘

عورت نے حکم کی تعمیل کی جس وقت اس نے اس فقیر کا چہرہ دیکھا تو دھاڑیں مارکر رونے لگی۔ اس کے شوہر نے اس سے پوچھا’’کیا ہوا ہے ؟‘‘

اس نے بتلایا’’یہ شخص جوفقیر بن کر ہمارے گھر پر دستک دے رہا ہے ،چند سال پہلے اس شہر کا سب سے بڑا مالدار اور ہماری اس کوٹھی کا مالک اور میرا سابق شوہر تھا۔ چند سال پہلے کی بات ہے کہ ہم دونوں دسترخوان پر ایسے ہی بیٹھ کر کھانا کھارہے تھے جیسا کہ آج کھارہے تھے تواتنے میں ایک فقیر نے صدا لگائی کہ میں دو دن سے بھوکا ہوں اللہ کے نام پر کھانا دے دو۔ میرا شوہر دسترخوان سے اٹھا اور اس فقیر کی اس قدر پٹائی کی کہ اسے لہولہان کردیا۔ نہ جانے اس فقیر نے کیا بد دعا دی کہ میرے شوہر کے حالات دگرگوں ہو گئے، کاروبار ٹھپ ہوگیا اور وہ فقیر و قلاش ہوگیا۔ اس نے مجھے بھی طلاق دے دی۔ اس کے چند سال گذرنے کے بعد میں آپ کی زوجیت میں آگئی‘‘

شوہر بیوی کی یہ باتیں سن کر کہنے لگا’’اے میری شریک حیات کیا میں آپ کو اس سے زیادہ تعجب خیز بات نہ بتلاوں؟‘‘

اس نے کہا’’ ضرور بتائیں!‘‘

کہنے لگا ’’جس فقیر کی آپ کے سابق شوہر نے پٹائی کی تھی وہ کوئی دوسرا نہیں بلکہ میں ہی وہ فقیر تھا تھا