”حضور پاک ﷺکی حدیث ہے کہ آخری زمانے میں ایسے لوگ ۔۔۔“حمزہ علی عباسی نے حدیث نبوی ﷺسنائی تو عامر لیاقت حسین ان پر ٹوٹ پڑے ،سوشل میڈ یا پر دونوں نے تماشا لگا دیا
عمران خان کے دو قریبی ساتھی اور پاکستانی میڈ یا کی معروف شخصیات حمزہ علی عباسی اور عامر لیاقت حسین سوشل میڈ یا پر الجھ پڑے ۔مائیکرو بلاگنگ ویب سائٹ ٹوئٹر پر حمزہ علی عباسی نے حدیث نبوی شیئر کی ۔ان کا کہنا تھا کہ ”اللہ تعالیٰ کے پیغمبر ﷺنے فرما یاآخری زمانے میں ایسے لوگ بھی آئیں گے جو اسلام کو دنیا وی معاملات کے لیے دھوکہ دہی سے استعمال کریں گے اور لوگوں کے درمیان بھیڑ کی چمڑی پہنے ہوئے ظاہر ہوں گے تاکہ اپنی عاجزی ظاہر کر سکیں ۔ان
کی زبان چینی سے زیادہ میٹھی ہو گی لیکن ان کے دل بھیڑیوں جیسے ہوں گے۔ترمذی “
اس پر معروف میزبان عامر لیاقت بھڑک اٹھے اور کہا کہ کسی حدیث کا حوالہ نہ دو اور حدیث سے مت کھیلوں ۔انہوں نے حمزہ علی عباسی کو مخاطب کرتے ہوئے کہا کہ تم چینل کا قابل نفرت چہرہ ہو اور نشے کی لت میں ملوث ہو ،تمہارے لیے بہتر ہے کہ تم اپنی نوکری ’اداکاری‘کرو ،ورنہ میں بھی بتا دوں گا کہ تمہارا ایمان کیا ہے اور تم کس کی عبادت کرتے ہو ۔اب دفع ہو جاﺅ ۔