عرب لیگ کے اجلاس میں شام کا معاملہ نظر انداز
عرب لیگ کے اجلاس میں شام کا معاملہ نظر انداز، سعودی فرمانروا نے مشرق وسطیٰ کے اندرونی معاملات میں مداخلت کا الزام لگا کر ایران پر برہمی کا اظہارکیا۔ انہوں نے امریکی سفارتخانہ بیت المقدس منتقل کرنے کا فیصلہ بھی مسترد کردیا۔عرب لیگ کے اجلاس میں شام کا معاملہ نظر انداز، سعودی فرمانروا شاہ سلمان ایران پر برس پڑے۔ شاہ سلمان نے ایران کو خبردار کیا کہ وہ مشرق وسطیٰ
کے اندرونی معاملات میں مداخلت سے باز رہے۔ دوسری جانب سعودی شاہ نے اسرائیل میں امریکی سفارتخانہ بیت المقدس منتقل کرنے کے فیصلے کو بھی مسترد کردیا۔ انہوں نے کہا کہ بیت المقدس فلسطین کا حصہ تھا اور رہے گا۔سعودی فرمانروا نے فلسطین میں اسلامی ورثے کی بحالی کے لیے 15کروڑ ڈالر کا اعلان بھی کیا۔عرب لیگ کے اجلاس سے پہلے 25 ممالک کی افواج نے
عسکری طاقت کا مظاہرہ کیا جس میں پاک فوج کے دستوں نے بھی شرکت کی، پاک فوج کے جانبازوں نے پیراشوٹنگ میں اپنی مہارتوں کا شاندار مظاہرہ کیا۔