’معلوم ہوا ہے کہ آسیہ بی بی کو اس ملک بھیج دیاگیاہے“معروف صحافی نے نیا دعویٰ کردیا
توہین رسالت کیس میں آسیہ بی بی کی بریت کیخلاف کئی مقامات پر احتجاج جاری ہے اور اب اس کی بیرون ملک منتقلی کے بارے میں خاتون صحافی گل بخاری نے ٹوئیٹ کردی۔
گل بخاری نے لکھاکہ ”بااعتبار ذرائع کے مطابق حکومت نے عمدہ طریقے سے کام کیا ، عدالت ، جیل اور دیگر حکام کیساتھ رابطہ کیا اور اسی دن آسیہ بی بی کی بحفاظت کینیڈا منتقلی کا انتظام کیا“۔
دوسری طرف بعض مقامات پر تیسرے روز بھی مظاہرے جاری ہیں، ملک کے تمام نجی اور سرکاری تعلیمی ادارے بند ہیں جب کہ دفاتر میں بھی حاضریاں معمول سے انتہائی کم ہیں۔ ماتحت عدالتوں میں قیدیوں کو پیش نہیں کیا جاسکا جس کی وجہ سے ہزاروں مقدمات التوا کا شکار ہوگئے ہیں۔ سرکاری اسپتالوں میں عملے کے نہ پہنچ سکنے کی وجہ سے آپریشن بھی ملتوی کردیئے گئے ہیں۔