ایشیاءکپ کون جیتے گا؟ مہیلا جے وردھنے کا دعویٰ جان کر آپ بے اختیار کہیں گے ”آپ سے یہی امید تھی“
ایشیاءکپ 2018ءآخری مراحل میں داخل ہو چکا ہے اور کل سپر فور میں پاکستان اور بنگلہ دیش کے آخری میچ کے بعد 28 ستمبر کو فائنل کھیلا جائے گا۔
بھارتی ٹیم فائنل میں پہنچی چکی ہے جبکہ کل پاکستان اور بنگلہ دیش کا میچ فائنل میں جانے والی دوسری ٹیم کا فیصلہ کرے گا۔ بھارت کی کارکردگی کے باعث انہیں ٹورنامنٹ جیتنے کیلئے فیورٹ قرار دیا جا رہا ہے اور سری لنکا کے سابق کپتان مہیلا جے وردھنے کے خیال میںبھی فائنل میچ بھارت ہی جیتے گا۔
مہیلا جے وردھنے سے بھارتی خبر رساں ادارے کیلئے لکھے گئے اپنے کالم میں بھارتی ٹیم کی تعریف کرتے ہوئے انہیں ٹرافی اٹھانے کیلئے فیورٹ ٹیم قرار دیا تاہم ان کا کہنا تھا کہ اگر پاکستانی ٹیم فائنل میں پہنچ گئی تو بھارت کیلئے خطرہ ثابت ہو سکتی ہے اور فائنل میچ جیت سکتی ہے۔