آسٹریلوی کرکٹر کو خاتون سے زیادتی پر 5 سال قید
برطانوی عدالت نے آسٹریلوی کھلاڑی ایلیکس ہیپ برن کو خاتون کو زیادتی کا نشانہ بنانے پر 5 سال قید کی سزا سنا دی۔
بین الاقوامی خبر رساں ادارے کے مطابق برطانوی عدالت نے ووسٹر شائر کی جانب سے کاؤنٹی کھیلنے والے 23 سالہ آل راؤنڈر ایلیکس ہیپ برن کو جنسی زیادتی کے ایک مقدمے میں 5 سال قید کی سزا سنا دی ہے۔
آسٹریلوی کھلاڑی کو اس وقت حراست میں لیا گیا جب وہ اپنے فلیٹ میں غنودگی کے عالم میں تھے، ان پر اپنے روم میٹ کرکٹر کی گرل فرینڈ سے زیادتی کا الزام تھا۔
کھلاڑی کے وکیل نے دفاع کرتے ہوئے کہا کہ کم عمر نوجوانوں نے نا پختگی کا ثبوت دیا اور اپنے کیریئر کے آغاز میں بڑی غلطی کربیٹھے یہ صرف ایک کھیل تھا جو اس حد تک بڑھ جائے گا اس کا اندازہ نہ تھا تاہم ہیئرفورڈ کراؤن کی عدالت نے کھلاڑی کو 5 سال قید کی سزا سنادی۔