بھارت میں پزیرائی ملتی ہے مگر پہلے پاکستان ہے، راحت فتح علی خان
گلوکار اور موسیقار راحت فتح علی خان نے کہا کہ پاکستانی فنکاروں کو بھارت میں پزیرائی ملتی ہے لیکن ہمارے لیے پاکستان پہلے ہے۔
کراچی پریس کلب میں پریس کانفرنس کے دوران راحت فتح علی خان کا کہنا تھا کہ انہیں آکسفورڈ یونیورسٹی نے ڈاکٹریٹ کی ڈگری سے نوازا ہے، جو کہ خاندان کے لئے اللہ کی طرف سے خاص اعزاز ہے کیونکہ حرم شریف میں عمرے کی ادائیگی کے دوران دعا مانگنے کے ایک گھنٹے بعد اس کی اطلاع ملی۔
راحت فتح علی خان نے کہا کہ بھارت میں فنکار کو پزیرائی ملتی ہے مگر پہلے پاکستان ہے، پاکستان میں حکومت کی جانب سے مجھے جو عزت اور پزیرائی ملی، اس سے مطمئن ہوں، جب کہ انہوں نے یہ بھی کہا کہ ضرورت مند فنکاروں کی دادرسی کے خصوصی منصوبے پر کام کررہے ہیں۔