بھارتی آبدوز پاکستانی حدود میں کل رات کس وقت داخل ہوئی اور اس کا سراغ کیسے لگایا گیا ۔۔۔؟ تمام تر تفصیلات آ گئیں
بھارت کو فضائی محاذ کے بعد سمندری محاذ پر بھی ناکامی کا سامنا ہے، ترجمان پاک بحریہ کا کہنا ہے کہ پاکستانی سمندری حدود میں موجود بھارتی آبدوز کا نہ صرف سراغ لگا کر واپس کے پانی میں داخل ہونے سے روک دیا۔ ترجمان پاک بحریہ کے مطابق امن
قائم رکھنے کی حکومتی پالیسی کو مد نظر رکھتے ہوئے بھارتی آبدوز کو نشانہ نہیں بنایا گیا جو پاکستان کی امن پسندی کا غماز ہے۔ترجمان نے مزید کہا کہ اس واقعے سے سبق حاصل کرتے ہوئے بھارت کو بھی امن کی طرف راغب ہونا چاہیے، یہ اہم کارنامہ پاکستان نیوی کی اعلیٰ صلاحیتوں کا منہ بولتا ثبوت ہے۔ترجمان پاک بحریہ نے کہا کہ پاکستان کی بحری سرحدوں کے دفاع کے لیے پاک بحریہ ہر لمحہ مستعد و تیار ہے اور کسی بھی جارحیت کا منہ توڑ جواب دینے کی بھرپور صلاحیت
رکھتی ہے۔ تفصیلات کے مطابق ترجمان پاک بحریہ کا کہنا ہے کہ پاک بحریہ نے اعلیٰ پیشہ ورانہ مہارتوں کے ساتھ ہر دم چوکنا رہتے ہوئے کامیابی سے بھارتی آبدوز کا سراغ لگا کر اُسے پاکستان کے پانیوں میں داخل ہونے سے روک دیا۔ترجمان کے مطابق پاک بحریہ نے بھارتی آبدوز کی اپنی موجودگی کو خفیہ رکھنے کی ہر کوشش کو ناکام بنایا اور پا ک بحریہ کا جدید ٹیکنالوجی سے لیس بھارتی آبدوز کا سراغ لگا لینا بھارتی بحریہ کی ناکامی ہے۔ترجمان پاک بحریہ کا کہنا ہے کہ
نومبر 2016 کے بعد یہ دوسرا موقع ہے کہ جب پاک بحریہ نے بھارتی آبدوز کا سُراغ لگایا۔ واضح رہے کہ یہ فوٹیج کل رات 8 بج کر 35 پر لی گئی تھی جسے آج 12 بجے آئی ایس پی آر کی پریس ریلیز کے طور پر تمام تر ثبوتوں کو مد نظر رکھتے ہوئے پیش کیا گیا ہے تا کہ کسی قسم کا کوئی ابہا م نہ رہے