تم سے پہلے بھی اک شخص کو خدا ہونے پہ یقیں تھا، بلاول بھٹو زرداری
پاکستان پیپلز پارٹی (پی پی پی) کے چیئرمین بلاول بھٹو زرداری نے شعر ٹوئٹ کرتے ہوئے کہا ہے کہ تم سے پہلے بھی اک شخص کو خدا ہونے پہ یقین تھا۔
بلاول بھٹو زرداری نے حبیب جالب کی نظم کا شعر ٹویٹ کردیا۔ اگرچہ انہوں نے واضح نہیں کیا کہ ان کا اشارہ کس کی طرف ہے تاہم موجودہ صورتحال میں اس ٹوئٹ کو حکومت پر تنقید کے تناظر میں دیکھا جارہا ہے۔ بلاول بھٹو نے ٹوئٹ کیا کہ تم سے پہلے وہ جو اک شخص یہاں تخت نشیں تھا، اس کو بھی اپنے خدا ہونے پہ اتنا ہی یقیں تھا۔
واضح رہے کہ جعلی اکاؤنٹس کیس میں پیپلز پارٹی کے شریک چیئرمین آصف زرداری اور ان کی ہمشیرہ فریال تالپور کے خلاف جے آئی ٹی تحقیقات کررہی ہے جب کہ اس کیس میں بلاول بھٹو کو بھی سوال نامہ بھجوایا گیا ہے۔
Tum se pehle woh jo ek shakhs yahan takht-nasheen tha,
uss ko bhi apne khuda hone pe itna hi yaqeen tha.— BilawalBhuttoZardari (@BBhuttoZardari) December 12, 2018