دربار جاتے ہوئے بشریٰ بی بی کے سابق شوہر کے سجدوں کی ویڈیو تو آپ نے دیکھی ہو گی لیکن بشریٰ بی بی نے اپنے سابقہ شوہر کے لیے مانگی گئی منت کیسے پوری کی ؟جان کر پاکستانیوں کے منہ کھلے کے کھلے رہ جائیں گے
تحریک انصاف کے چیئر مین عمران خان نے بابا فرید گنج شکر کے مزار پر حاضری دیتے ہوئے چوکھٹ کو چوما تو سوشل میڈ یا پر ہنگامہ برپا ہو گیا ،بعض لوگوں نے ایسا کرنے پر خوب تنقید کی جبکہ کچھ لوگ عمران خان کے ساتھ کھڑے دکھائی دئیے ۔اس کے بعد معروف اینکر پرسن طلعت حسین نے بشریٰ بی بی کے سابق شوہر خاور مانیکا کی ایک ویڈیو شیئر کردی جس میں دیکھا گیا کہ خاور مانیکا سجدے کرتے ہوئے دربار کی جانب بڑھ رہے ہیں ،اس ویڈیو نے بھی سوشل میڈ یا پر تہلکہ مچا دیا لیکن اب بشریٰ بی بی کی زندگی کا ایسا واقعہ منظر عام پر آیا ہے کہ بہت سے لو گوں کے لیے یقین کرنا مشکل ہو جائے گا ۔
نجی نیوز چینل دن نیوز کے پروگرام میں چیئر مین دن نیوز محمود صادق نے بتا یا کہ بشریٰ بی بی کے سابق شوہر خاور مانیکا اپنا تبادلہ کرانا چاہتے تھے اور اس مقصد کے لیے بشریٰ بی بی نے منت مانگ لی ۔خاور مانیکا نے اپنے تبادلے کے لیے اثر و رسو خ استعمال کیا اور ان کا تبادلہ ہو گیا ۔اس کے بعد خاور مانیکا اپنی
سابقہ اہلیہ بشریٰ بی بی کو لے کر لاہور کی ایک نجی سوسائٹی میں اس دوست کے گھر مٹھائی لے کر گئے جس نے تبادلہ کرانے میں مدد کی تھی ۔خاور مانیکا نے گاڑی سے اتر کر دوست کو مٹھائی کا ڈبہ پکڑایا اور شکریہ ادا کیا تو دوست نے انہیں اندر آنے کو کہا جس پر خاور مانیکا نے یہ کہتے ہوئے معذرت کر لی کہ گاڑی میں بشریٰ بی بی سوار ہیں جنہوں نے میرے تبادلے کے لیے منت مانگ رکھی تھی ،لہذا اب تبادلہ ہونے کے بعد وہ لاہور سے پاکپتن پیدل جا کر با با فرید گنج شکر کے دربار پر حاضری دیں گی ۔