چینی قونصلیٹ پر حملہ ،دہشتگرد جس گاڑی پر آئے وہ چوری نہیں کی بلکہ ۔۔ تہلکہ خیز انکشاف
چینی قونصلیٹ پر صبح تقریبا سوا نو بجے تین دہشتگردوں نے حملہ کیا لیکن انہیں سیکیورٹی فورسز نے ناپاک عزائم میں کامیاب نہیں ہونے دیا اور انہیں مارگرایا تاہم اب انکشاف ہواہے کہ دہشتگرد جس گاڑی پر آئے تھے وہ چوری یا چھینی نہیں گئی تھی ۔
نجی ٹی وی جیونیوز نے ذرائع کے حوالے سے دعویٰ کیاہے کہ چینی قونصل خانے پر حملہ کرنے والے دہشتگرد 2006 ماڈل کی سفید رنگ کی گاڑی میں آئے تھے جو کہ تفتیشی حکام نے اپنے قبضہ میں لے لی ہے اور یہ انکشاف ہواہے کہ سی پی ایل سی کے ریکارڈ کے مطابق یہ گاڑی چوری یا چھینی نہیں گئی ہے ۔ دہشتگردوں کی لاشیں ہسپتال منتقل کر دی گئیں ہیں جبکہ ان کی شناخت کیلئے بھی تحقیقات جاری ہیں ۔
یاد رہے کہ دہشتگردوں اور پولیس کے درمیان فائرنگ کے تبادلے میں دو اہلکار شہید ہو گئے ہیں جبکہ اس دورن دو شہری بھی گولیاں لگنے سے شہید ہوئے جن میں باپ اور بیٹا شامل ہی تاہم سفارتخانے کے تمام اہلکار محفوظ رہے ہیں ۔