”پاکستانیو!!! تم کمال ہو اور میں اب انتظار نہیں کر سکتا کہ۔۔۔“ ڈیرین سیمی نے فائنل ہارنے کے بعد ایسا اعلان کر دیا کہ میچ ہار کر بھی پاکستانیوں کے دلوں کو فتح کر لیا
پاکستان سپر لیگ (پی ایس ایل) تھری اپنی تمام تر رنگینیوں کے ساتھ اختتام پذیر ہو چکی ہے اور چیمپینز کا تاج ایک مرتبہ پھر اسلام آباد یونائیٹڈ پر سر پر سج چکا ہے۔
پشاور زلمی کے کپتان ڈیرین سیمی اس شکست سے افسردہ تو ہوئے مگر پاکستانیوں کی طرف سے ملنے والے پیار نے انہیں حوصلہ دیا اور اس پیار کی وجہ سے شائد سیمی کی عادتیں بھی ’خراب‘ ہو گئی ہیں جو ہر مرتبہ کوئی نہ کوئی ایسا بیان جاری کرتے ہیں کہ پاکستانیوں کی محبت میں اور بھی اضافہ ہو جاتا ہے۔
فائنل میچ ہارنے کے بعد سوشل میڈیا پر انہوں نے جو پیغام جاری کیا، اسے دیکھ کر ویرات کوہلی کی آنکھیں بھی یقینا کھلی کی کھلی رہ جائیں گی ۔ سیمی نے ٹویٹ کی کہ ”پی ایس ایل کے دوران بے پناہ محبت اور حمایت کرنے پر پاکستانی عوام کا شکریہ ادا کرتا ہوں ۔ آپ لوگ بہت کمال ہیں اور میں ایسے پیارے لوگوں کے سامنے دوبارہ کھیلنے کیلئے بالکل بھی انتظار نہیں کر سکتا۔ آپ سب کیلئے پیار۔۔۔“
ڈیرین سیمی کے اس پیغام نے ناصرف پاکستانیوں کا دل جیت لیا ہے بلکہ انہوں نے تیسری مرتبہ پاکستان آنے کا اعلان کر کے بھارت سمیت پوری دنیا کو یہ پیغام دیا ہے کہ اب پاکستان میں کرکٹ کی راہیں کوئی بند نہیں کر سکتا۔
To the people of Pakistan I thank u for all the love and support throughout this @thePSLt20 you guys are amazing and i cant wait to play infront such lovely people again. Love to you all
— Daren Sammy (@darensammy88) March 25, 2018