جنرل بس اسٹینڈ کے قریب موٹر سائیکل بم دھماکے سے ایک پولیس اہلکار شہید، 13 زخمی
جنرل بس اسٹینڈ کے قریب موٹر سائیکل میں نصب ریموٹ کنٹرول بم دھماکے سے ایک پولیس اہلکار شہید اور 13 افراد زخمی ہوگئے۔ذرائع کے مطابق جیسے ہی پولیس موبائل موٹرسائیکل کے قریب سے گزرنے لگی تو ریموٹ کنٹرول ڈیوائس سے دھماکا کیا گیا جس کےنتیجے میں موبائل میں موجود ایک اہلکار موقع پر شہید ہوگیا جب کہ 13 افراد زخمی ہوئے۔ذرائع کا کہنا ہےکہ دھماکا اس قدر شدید
تھا کہ اس کی ا?واز دور دور تک سنی گئی جب کہ اس سے قریبی کھڑی گاڑیوں کو بھی نقصان پہنچا۔دھماکے میں زخمی ہونے والے 13 افراد میں عام شہری شامل ہیں، زخمی و شہید کو ڈی ایچ کیو اسپتال منتقل کردیا گیا ہے جہاں 4 زخمیوں کی حالت تشویشناک بتائی جاتی ہے۔واقعے کے بعد قانون نافذ کرنے والے اداروں نے جائے وقوعہ پر پہنچ کر علاقے کو گھیرے میں لے لیا۔