سوڈانی حسینہ نے شادی کیلئے 25 لاکھ ڈالرز کی پیشکش ٹھکرا دی
معروف سوڈانی ٹی وی اینکر لوشی سے شادی کے خواہشمند سعودی نے 25 لاکھ ڈالر اور ریاض میں وسیع و عریض بنگلہ حق مہر کی پیشکش تھی جسے اس نے ٹھکرا دیا ہے۔ العریبیہ نیوز کے مطابق سوڈان سے تعلق رکھنے والی ٹی وی اینکر نے جسے عرف عام میں لوشی کے لقب سے جانا جاتا ہے کو سعودی تاجر کی جانب سے نشر ہونے والی خبر پر صرف ” مجھے منظور ہی” کے ٹویٹ پر اکتفا کیا
۔ اس حوالے سے ٹویٹر پر لوگوں نے اسے سراہا جبکہ بعض نے مخالفت میں ٹویٹ کیا۔سعودی شہری نے سوڈانی ٹی وی اینکر کو نقد رقم ، ریاض میں بنگلہ اور حق مہر کی پیشکش کی تھی مگر اس نے انکار کر دیا ۔مذکورہ شخص کا کہنا تھا کہ لوشی کا ٹویٹ اس کا واضح جواب ہے جو اقرار میں ہے۔ ٹویٹر پر جاری بحث کا جواب دیتے ہوئے لوشی نے ایک بار پھر اپنے موقف کی وضاحت کرتے ہوئے کہا کہ مجھے اپنے سوڈانی ہونے پر فخر ہے ، یہ میرے لئے کافی ہے کہ میں افریقہ کی بیٹی ہوں، میرا شوہر سوڈانی ہی ہو گا۔ لوشی کی اس وضاحت کے بعد سوڈان کے اخبار کا کہنا ہے کہ سوید الجاسر نامی سعودی تاجر نے لوشی سے شادی کیلئے بطور مہر 25 لاکھ ڈالر اور ریاض میں بنگلے کی آفر کی تھی۔ لوشی کی جانب سے ٹویٹ پر وضاحت کے بعد سعودی تاجر نے اس شخص کیلئے انعام کا اعلان کیا ہے جو اسے لوشی کا موبائل نمبر لاکر دے گا۔ سوشل میڈیا پر سعودی تاجر نے اپنے بارے میں لکھا ہے کہ وہ ارب پتی ہے اس کا سرمایہ 150 ملین ڈالر سے زیادہ ہے جبکہ بے شمار گاڑیاں اور ریاض کے وسط میں متعدد عمارتوں کا مالک ہے۔