عمران خان کے وزیر اعظم بننے کے بعد ان کی مبینہ بیٹی ٹیریان وائٹ نے بھی خاموشی توڑ دی ، ہر کوئی دنگ رہ گیا
پاکستان تحریک انصاف کی کامیابی پر ایک طرف تو عمران خان کی سابق اہلیہ جمائمہ خان نے انہیں مبارکباد دی ہے تو دوسری جانب عمران خان کی مبینہ بیٹی ٹیریان وائٹ نے بھی اظہارِ مسرت کیاہے۔
عمران خان کی سابق اہلیہ جمائمہ خان نے الیکشن 2018 میں تحریک انصاف کی فتح پر لکھا ’ بہت سی مشکلات، قربانیوں اور کردار کشی کے 22 سال کے بعد بالآخر میرے بیٹوں کے والد پاکستان کے اگلے وزیر اعظم ہوں گے۔ یہ ہار سے ہارنے سے انکار کرنے والوں کیلئے
سبق ہے، عمران خان کیلئے سب سے بڑا چیلنج یہ ہے کہ وہ اب یہ یاد رکھیں کہ وہ سیاست میں کیوں آئے تھے‘۔جمائمہ خان نے یہ ٹویٹ گزشتہ روز (جمعرات کو) کیا تھا تاہم آج اس ٹویٹ کے ذریعے ٹیریان وائٹ نے اپنے رد عمل کا اظہار کیا ہے۔ ٹیریان نے جمائمہ کا ٹویٹ ری ٹویٹ کرتے ہوئے جمائمہ خان کیلئے محبت کا اظہار کیا۔
