سوشل میڈیا صارفین نے کامران اکمل کی دھلائی کردی۔۔
پاکستان سپر لیگ (پی ایس ایل) کے فائنل میچ میں اسلام آباد یونائیٹڈ نے پشاور زلمی کو شکست دے کر دوسری بار چیمپئنز ہونے کا اعزاز حاصل کیا مگر پشاور زلمی کے مداح اس شکست کا ذمہ دار صرف اور صرف کامران اکمل کو ٹھہرا رہے ہیں جنہوں نے اہم موقع پر کیچ ڈراپ کر دیا۔
میچ کے بعد کامران اکمل کو بیسٹ بیٹسمین کا ایوارڈ بھی دیا گیا لیکن اس ایک کیچ ڈراپ نے تمام پاکستانیوں کو ان کی کارکردگی بھلا دی اور ہر کوئی سوشل میڈیا پر دل کی بھڑاس نکالنے میں مصروف ہو گیا۔ کامران اکمل نے میچ کے بعد ٹوئٹر پر پیغام جاری کیا تو صارفین نے بھی ’کمر کس‘ لی اور پھر وہ کچھ کر دیا کہ آج کے بعد کامران اکمل کوئی بھی ٹویٹ کرنے سے پہلے کئی مرتبہ سوچیں گے۔ کامران اکمل نے اپنے پیغام میں کہا ”بدقسمتی۔۔۔ ہم پورے ٹورنامنٹ میں بہت شاندار کھیلتے رہے لیکن بدقسمتی سے آج جیت نہ سکے۔ مداحوں سے معافی مانگتا ہوں اور بھرپور حمایت اور پیار دینے پر شکریہ ادا کرتا ہوں“انہوں نے شائد یہ سوچ کر پیغام جاری کیا ہو گا کہ صارفین بھی ان کی ہاں میں ہاں ملائیں گے اور کیچ چھوڑنے پر ہونے والی مایوسی پر حوصلہ افزائی کریں گے لیکن صارفین تو کچھ اور ہی تیاری کر کے بیٹھے تھے۔نعمان علی نامی صارف نے پہلا ’دھماکہ‘ کیا اور لکھا ”لاہور کو عمر اکمل نے ہرایا، پشاور کو آپ نے ہرایا اور کراچی کو بابر اعظم نے۔۔۔ کیا فیملی ہے آپ کی“کاشف ان کی حمایت کرتے نظر آئے اور لکھا ”فائنل میں بھی اسی نے پہنچایا ہے
اگر آپ کو یاد ہو تو“مگر ساغر احمد کو کاشف کی ٹویٹ اچھی نہ لگی جنہوں نے ترکی بہ ترکی جواب دیتے ہوئے کہا ”ہاں!!! ذلیل کروانے کیلئے“پیارے افضل نامی صارف نے کامران اکمل کی کیچ ڈراپ کرتے ہوئے تصویر شیئر کی جس پر لکھا تھا ” A for Akmalہارون خان آفیشل نے حال ہی میں خواتین کی چلنے والی ایک مہم کی تصویر شیئر کی جس پر لکھا تھا ”میرا میچ، میری مرضی“عدنان چیمہ نے بھی کامران اکمل کی کیچ ڈراپ کرنے کی تصویر شیئر کرتے ہوئے لکھا ”اے ایمان والو میں ان دونوں آنکھوں سے نابینا ہوں۔۔۔“