’اس رات ائیرپورٹ کے ہوٹل میں ساتھی پائلٹ نے میرا ریپ کر دیا اور صرف میں ہی نہیں بلکہ۔۔۔‘ خاتون پائلٹ نے ایسا انکشاف کردیا کہ پوری دنیا میں ہنگامہ برپاہوگیا
خواتین کے ساتھ جنسی ہراسگی کا معاملہ دنیا بھر کا المیہ ہے تاہم گزشتہ دنوں امریکی فضائی کمپنی الاسکا ایئرلائنز کی ایک خاتون پائلٹ نے خواتین عملے کے ساتھ جنسی زیادتیوں کا ایسا انکشاف کرڈالا ہے کہ پوری دنیا میں ہنگامہ برپا ہو گیا۔ میل آن لائن کی رپورٹ کے مطابق بیٹی پینا (Betty pina)نامی خاتون پائلٹ نے انکشاف کیا ہے کہ اسے سینئر پائلٹ نے ہوٹل میں نشہ آور ادویات کھلا کر جنسی زیادتی کا نشانہ بنایا۔ ایک فلائٹ کے دوران وہ مینیاپولس ہوٹل میں رات ٹھہرے جہاں پاؤل انجلین نامی پائلٹ نے بیٹی پینا کو نشہ آور ادویات کھلا دیں، وہ صبح اٹھی تو خود کو برہنہ حالت میں بستر پر پایا۔
39سالہ بیٹی پینا کا کہنا تھا کہ ’’میں نے کمپنی کو اس واقعے کی رپورٹ کی۔مجھے پاؤل کے خلاف کارروائی کی یقین دہانی کرائی گئی لیکن کچھ عرصے بعد میں نے دیکھا کہ وہ تاحال کمپنی میں کام کر رہا تھا۔ اب میں کمپنی کے خلاف ہی عدالت جاؤں گی، کیونکہ وہ خواتین کے جنسی زیادتیوں کے معاملات کو نظرانداز کرتی آ رہی ہے۔ میں پہلی عورت نہیں ہوں جس کے ساتھ یہ کچھ ہوا۔ ہماری ایئرلائنز ہی نہیں، اس انڈسٹری کی اکثر خواتین جنسی زیادتی کا شکار ہوتی ہیں اور خاموش رہتی ہیں۔ میں کمپنی کے خلاف عدالت جاؤں گی تاکہ اس انڈسٹری میں خواتین کے ساتھ اس ناروا سلوک کا سدباب کیا جا سکے اور آئندہ کوئی ان کے ساتھ جنسی زیادتی کا خیال بھی دل میں نہ لائے۔ایوی ایشن انڈسٹری میں یہ رواج بن چکا ہے کہ جب کوئی خاتون جنسی زیادتی کی رپورٹ کرتی ہے تو اسے درخورِاعتنا ہی نہیں سمجھا جاتا، اسے معمول کا واقعہ سمجھ کر نظر انداز کر دیا جاتا ہے۔ اب اس رواج کو تبدیل کرنے کی ضرورت ہے۔‘‘