”لندن میں مقیم ایک رپورٹر کی دولت میں نواز شریف کی حکومت کے دوران تیزی سے اضافہ ہونے کی انٹیلی جنس اطلاعات ہیں اور۔۔۔” معروف صحافی وجاہت خان نے سوشل میڈیا پر تہلکہ مچا دیا
پاکستان میں حکومت کی تبدیلی کے بعد نیب نے کرپشن مقدمات میں تحقیقات تیز کر دی ہیں اور اس حوالے سے کئی گرفتاریاں بھی عمل میں لائی گئی ہیں تاہم اب معروف صحافی وجاہت سعید خان نے ایسا انکشاف کر دیا ہے کہ کھلبلی مچ گئی ہے۔
وجاہت سعید خان نے سماجی رابطوں کی ویب سائٹ ٹوئٹر پر جاری اپنے پیغام میں لکھا ”لندن میں مقیم ایک رپورٹر کی دولت میں نواز حکومت کے دوران تیزی سے اضافے کی انٹیلی جنس اطلاعات ہیں، پاکستان میں متعدد پلاٹس، لندن میں شاہ خرچیاں اور فائیو سٹار ہوٹلوں میں طعام ، سب عمران خان اور پاک فوج مخالف رپورٹنگ کا انعام، ان کی پاکستان واپسی کا مجھے اور میرے دوستوں کوشدت سے انتظار ہے۔“
اب یہ صحافی کون اور کس ادارے کیساتھ منسلک ہے؟ اس بارے تو انہوں نے نہیں بتایا البتہ سوشل میڈیا صارفین کی جانب سے مختلف لوگوں کے نام لئے جانے کا سلسلہ جاری ہے اور تجسس کی ایک فضاءقائم ہو گئی ہے جبکہ اب وجاہت سعید خان کیساتھ پاکستانی بھی شدت سے اس رپورٹر کے پاکستان آنے کا انتظار کرنے لگے ہیں۔
