مکہ میں شراب فروخت کرنیوالا گرفتار ، تعلق کس ملک سے ؟
سعودی سپیشل ٹاسک فور س کے اہلکاروں نے ایک سوڈانی کو گرفتار کر کے اس کے قبضے سے شراب کی 132 بوتلیں برآمد کر لیں ۔
غیرملکی خبررساں ادارے کے مطابق مکہ مکرمہ ، جدہ شاہراہ پر موجود سپیشل ٹاسک فورس کے اہلکاروں نے ایک گاڑی کو روکا جسے سوڈانی چلا رہا تھا۔گاڑی کی تلاشی لینے پر اس میں رکھی گئی شراب کی بوتلیں برآمد ہوئی۔ ملزم نے شراب کو منرل واٹر کی بوتلوں میں
پیک کیا ہوا تھا تاکہ قانون نافذ کرنے والے اہلکاروں کو دھوکا دے سکے مگر اہلکاروں کی تجربہ کاری نے اس کی کوشش ناکام بنا دی۔ ملزم کو گرفتار کر کے اس کے خلاف شراب فروخت کرنے کا مقدمہ دائر کر دیا گیا۔