”میرا تعلق اس خاندان سے ہے جس نے۔۔۔ “فیاض الحسن چوہان کے تضحیک آمیز بیان پر نواز شریف نے اپنے خاندان کی ایسی خاصیت بتا دی کہ آپ بھی حیران رہ جائیں گے
وزیر اطلاعات پنجاب فیاض الحسن چوہان نے دو روز قبل شریف خاندان کو کشمیر ی کہہ کر طنز کیا تو اس پر سیاسی جماعت کے رہنماﺅں اور کشمیر ی کمیونٹی نے خوب تنقید کی لیکن اب نواز شریف نے بھی فیاض الحسن کو بھر پور جواب دے دیا ۔
میڈ یا رپورٹس اور مسلم لیگ ن کے آفیشل ٹوئٹر اکاونٹ پر نواز شریف کا بیان سامنے آیا جس میں ان کا کہنا تھا کہ ”میرا تعلق اس خاندان سے ہے جس نے پاکستان کی خاطر ہجرت کی ،مجھے اپنی مٹی کے ذرہ ذرہ جان سے عزیز ہے “۔
واضح رہے کہ دو روز قبل فیاض الحسن چوہان نے شریف خاندان کو تنقید کا نشانہ بناتے ہوئے طنزیہ انداز میں شہباز شریف اور حمزہ شہباز کو کشمیر ی کہا تھا جس پر انہیں بھر پور تنقید کا سامنا کرنا پڑا اور پھر صوبائی وزیرنے اپنے بیان پر معذرت بھی کی ۔ان کا کہنا تھا کہ کشمیری ذات کے دوستوں سے معذرت خواہ ہوں،کشمیری عوام کے لیے لفظ استعمال نہیں کیا تھا ۔