اداکارہ نور کو سابق شوہر نے قتل کردیا

اداکارہ نور کو سابق شوہر نے قتل کردیا
ایبٹ آباد (ڈیلی پاکستان آن لائن) سابق شوہر نے مقامی اداکارہ نور بی بی کو فائرنگ کرکے موت کے گھاٹ اتار دیا۔
نجی ٹی وی ایکسپریس نیوز کے مطابق مقامی اداکارہ نور بی بی کو اس کے سابق شوہر شازی خان نے گھر میں گھس کر فائرنگ کرکے شدید زخمی کردیااور موقع سے فرار ہوگیا۔ اداکارہ کو فوری طور پر ہسپتال لے جایا گیا جہاں وہ طبی امداد کے دوران دم توڑ گئی۔ اداکارہ کی والدہ کی درخواست پر پولیس نے شازی خان کے خلاف مقدمہ درج کرکے اس کی تلاش شروع کردی ہے۔ پولیس کا کہنا ہے کہ ملزم کی کچھ عرصہ پہلے ہی اداکارہ سے علیحدگی ہوئی تھی اور اسی رنج میں اس نے انتہائی قدم اٹھایا ہے، ملزم فائرنگ کے واقعے کے بعد سے مفرور ہے جس کی تلاش کیلئے چھاپے مارے جا رہے ہیں۔