’میں معروف ٹیکسی سروس میں جارہی تھی، اچانک ڈرائیور نے گاڑی روکی اور باہر چلا گیا، واپس آیا تو اس کے ہاتھ میں۔۔۔‘ پاکستانی لڑکی کے ساتھ ڈرائیور نے ایسا کام کردیا کہ ہر شہری کانپ اُٹھے
معروف ٹیکسی سروس کے ڈرائیوروں کی طرف سے خواتین کو ہراساں کیے جانے کے واقعات پہلے بھی رپورٹ ہو چکے ہیں لیکن گزشتہ دنوں کراچی میں ایک لڑکی کے ساتھ ایک ڈرائیور نے ایسا سلوک کر ڈالا کہ سن کر ہر شہری کانپ اٹھے۔ویب سائٹ ’پڑھ لو‘ کی رپورٹ کے مطابق آسیہ اقبال نامی یہ لڑکی اقراءیونیورسٹی کی طالبہ ہے۔ وہ رات 10بجے اپنی کلاس ختم ہونے کے بعد یونیورسٹی سے نکلی اور گھر جانے کے لیے معروف ٹیکسی سروس بلا لی اور پھر اس کے ساتھ وہ
واقعہ پیش آ گیا جو ہم آپ کو بتانے جا رہے ہیں۔
رپورٹ کے مطابق آسیہ اقبال کے ایک کلاس فیلو نے فیس بک پر ایک پوسٹ میں بتایا ہے کہ ’گزشتہ رات آسیہ اقبال نامی میری کلاس فیلو نے یونیورسٹی سے گھر جانے کے لیے ٹیکسی بلائی۔ وہ ٹیکسی میں بیٹھی تو ڈرائیور نے کچھ دور جا کر راستہ تبدیل کر لیا۔ آسیہ اس راستے سے بالکل انجان تھی۔ اس نے ڈرائیور سے اس
بارے میں پوچھا تو اس نے کہا کہ میں شارٹ راستے سے جا رہا ہوں۔ وہ اسے ڈی ایچ اے کے راستے شوکت خانم ہسپتال کی طرف لے گیا۔یہ تمام راستہ ویران تھا اور آسیہ مسلسل خوفزدہ تھی۔ شوکت خانم ہسپتال کے قریب ڈرائیور نے کار روک دی اور ایک طرف چلا گیا اور جب وہ واپس آیا تو اس کے ہاتھ میں خنجر تھا۔ دور سے ہی اس کے ہاتھ میں خنجر دیکھ کر آسیہ نے کار کا دروازہ کھولا اور شوکت خانم ہسپتال کی طرف دوڑ لگا دی۔ خوش قسمتی سے حواس بحال رکھنے کے باعث آسیہ محفوظ رہی۔ اب وہ ڈرائیور نمبر بدل بدل کر اسے فون کر رہا ہے اور دھمکیاں دے رہا ہے اور وہ مسلسل خوف کی حالت میں ہے