پریاپرکاش نے مقبولیت میں فیس بک کے بانی کو پیچھے چھوڑدیا

سوشل میڈیا اسٹار پریا پرکاش نے مقبولیت کے ریکارڈ توڑتے ہوئے فیس بک کے بانی مارک زکر برگ کو بھی پیچھے چھوڑدیا۔

محض چند سیکنڈ کی ویڈیو سے ایک عام اداکارہ سے راتوں رات سوشل میڈیا اسٹار بننے والی بھارتی ملیالم فلم انڈسٹری کی خوبرو اداکارہ پریاپرکاش نے پہلےسنی لیون، دپیکا پڈوکون سمیت متعدد بالی ووڈ اداکاراؤں کیلئے خطرے کی گھنٹی بجائی اور اب انہوں نے مقبولیت میں فیس بک کے بانی مارک زکر برگ کو بھی پیچھے چھوڑدیا ہے۔

بھارتی میڈیا کے مطابق چند روز قبل پریاپرکاش نےاپنی پہلی فلم ’’اوروآدھارلو‘‘کے گانے کا ایک چھوٹا سا ویڈیوکلپ اپنے انسٹاگرام اکاؤنٹ پر شیئر کیا تھا، جو دیکھتے ہی دیکھتے اتنا زیادہ وائرل ہوا کہ اس ویڈیو کو محض چند گھنٹوں میں لاکھوں لوگوں نے دیکھا۔

پریاپرکاش نے جس وقت یہ ویڈیو انسٹاگرام پر شیئر کی تھی اس وقت ان کے فالوورز کی تعداد صرف 5000 تھی تاہم چند گھنٹوں میں یہ تعداد بڑھ کر 6 لاکھ سے زائد ہوگئی اور صرف پانچ دن میں پریا کے انسٹاگرام فالوورز کی تعداد 42 لاکھ ہوگئی، اب بھی یہ سلسلہ رکا نہیں ہے اس میں مزید اضافہ ہوتا جارہا ہے یہاں تک کہ پریاپرکاش کے فالوورز کی تعداد 4.5 ملین ہوچکی ہے اور انہوں نے مقبولیت میں فیس بک کے بانی مارک زکر برگ کو بھی پیچھے چھوڑ دیا ہے۔

بھارتی میڈیا کے مطابق مارک زکر برگ نے تقریباً ساڑھے 7 سال قبل فوٹو شیئرنگ ایپ انسٹا گرام پر اکاؤنٹ بنایا تھا اور اس وقت ان کے فالوورز کی تعداد 4 ملین یعنی 40 لاکھ ہے جب کہ پریاپرکاش کے فالوورز کی تعداد محض ایک ہفتے میں 4.5 ملین 45 لاکھ ہوچکی ہے۔

واضح رہے کہ پریاپرکاش پر بھارتی مسلمانوں کی جانب سے مقدمہ درج کرایا گیا ہے جس میں موقف اختیار کیاگیا ہے کہ ان کے گانے میں ایسے الفاظ استعمال ہوئے ہیں جن سے مسلمانوں کے جذبات مجروح ہوئے ہیں تاہم پریا نے دوروز قبل اپنے خلاف درج ہونے والی شکایت کی منسوخی کیلئے سپریم کورٹ میں اپیل دائر کی تھی۔