پریا پراکاش ورئیر انسٹاگرام پر صرف ایک پوسٹ کے کتنے پیسے لے رہی ہیں؟ ایسا انکشاف کہ سب ’سُن‘ ہو گئے، دل تھام کر خبر پڑھیں

ملیالم فلم ”اورو اڈار لو“ کے گانے ’مانیکیا مالارایا پووی“ سے چند سیکنڈ کی ویڈیو وائرل ہوئی تو پریا پراکاش ورئیر اپنی دلکش اداﺅں سے کروڑوں دلوں پر چھا گئیں۔ انہوں نے ناصرف سنی لیون، دیپکا پڈوکون جیسی اداکاراﺅں کو سوشل میڈیا پر پیچھے چھوڑ دیا بلکہ گوگل پر سب سے زیادہ سرچ کی جانے والی اداکارہ بھی بنیں۔

صرف ایک دن میں ان کے انسٹاگرام اکاﺅنٹ کو چھ لاکھ لوگوں نے فالو کیا جس پر وہ امریکی ٹی وی سٹار کیلی جینر اور فٹ بال سٹار کرسٹیانو رونالڈو کو بھی پیچھے چھوڑنے کے قریب پہنچ گئیں جبکہ اس وقت انسٹاگرام پر ان کے فالوورز کی تعداد فیس بک کے بانی مارک زکربرگ سے بھی زیادہ ہے۔

بھارتی خبر رساں ادارے کے مطابق پریا پراکاش ورئیر اس شہرت کا خوب فائدہ اٹھا رہی ہیں اور انسٹاگرام پر صرف ایک پوسٹ کیلئے 8 لاکھ بھارتی روپے لے رہی ہیں۔ کسی بھی اداکارہ کیلئے پہلی فلم کے ریلیز ہونے سے پہلے ہی اتنا مشہور ہو جانا اور صرف ایک پوسٹ کے بدلے لاکھوں روپے ملنا ایک بہت بڑی کامیابی ہے۔