’قبرستان کے باہر کھڑے اس شخص نے مجھ سے لفٹ مانگی، میں نے اسے بٹھا لیا، تھوڑی دیر بعد عجیب سی بدبو آئی، مڑ کر دیکھا تو۔۔۔‘ آدمی نے ایسا پراسرار واقعہ سنادیا 

امریکہ میں ایک شخص نے قبرستان کے باہر کھڑے شخص کو لفٹ دی، کچھ دور جا کر اسے گاڑی میں عجیب سے بدبو آئی اور اس نے مڑ کر پچھلی سیٹ پر لفٹ لینے والے شخص کو دیکھا تو ایسا منظر سامنے تھا کہ اس کے پیروں تلے زمین نکل گئی۔ ڈیلی سٹار کی رپورٹ کے مطابق پیڈرو پیئرونے نامی شخص نے جس آدمی کو لفٹ دی تھی وہ گاڑی سے غائب ہو چکا تھا اورپیروں کی جگہ پر رکھا پلاسٹک کا میٹ ان جگہوں سے پگھلا ہوا تھا جہاں اس شخص نے پاﺅں رکھے تھے۔

رپورٹ کے مطابق یہ حیران کن واقعہ امریکی ریاست کیلیفورنیا کے شہر سین جوز میں پیش آیا۔ پیڈرو کا کہنا ہے کہ وہ کوئی بھوت تھا، جس نے اس سے لفٹ مانگی، وہ ایک نوجوان کی شکل میں آیا تھا، وہ کچھ شرمیلاسا لگ رہا تھا اور اس نے مجھ سے زیادہ بات بھی نہیں کی۔جب مجھے کچھ جلنے کی بدبو آئی تو میں نے پیچھے مڑ کر دیکھا تو وہاں کوئی بھی موجود نہیں تھا، وہ نوجوان چلتی گاڑی سے غائب ہو چکا تھا، بس گاڑی کے میٹ پر اس کے پیروں کے جلے ہوئے نشانات باقی رہ گئے تھے۔“