لیجنڈ اداکارقادرخان طویل علالت کے بعد انتقال کرگئے
بالی ووڈ اداکار قادر خان 81 برس کی عمر میں کینیڈا میں انتقال کر گئے۔
بھارتی میڈیا کے مطابق قادرخان گزشتہ کئی برس سے اپنے بیٹے کے ساتھ کینیڈا میں رہائش پزیر تھے، شدید علالت کے باعث انہوں نے گزشتہ کئی دنوں سے بات چیت بھی بند کردی تھی۔ قادر خان کو سانس لینے میں بھی دشواری کا سامنا تھا جس کے باعث وہ کینیڈا کے اسپتال میں زیرعلاج تھے اورانہیں وینٹی لیٹرپررکھا گیا تھا تاہم وہ جانبر نہ ہوسکے اور81 برس کی عمر میں انتقال کرگئے۔
قادر خان کے بیٹے نے میڈیا سے بات کرتے ہوئے کہا کہ ہماری پوری فیملی کینیڈا میں رہائش پزیر ہے لہٰذا میرے والد کی آخری رسومات کینیڈا میں ہی ادا کی جائیں گی۔
قادرخان کے بیٹے سرفرازنے چند روز قبل میڈیا سے بات کرتے ہوئے بتایا تھا کہ گزشتہ برس ان کے والد کا گٹھنے کا بھی آپریشن ہوا تھا لیکن آپریشن کے بعد سے ہی ان کی حالت خراب ہوتی چلی گئی۔
واضح رہے کہ 81 سالہ اداکار قادر خان نے اپنے 43 سالہ بالی ووڈ کیریئر میں 300 فلموں میں کام کیا ہے اور250 فلموں میں مکالمے لکھے ہیں۔ انہوں نے مزاحیہ اداکاری کے ساتھ منفی کردار بھی بخوبی نبھائے ہیں۔
T 3045 – Kadar Khan passes away .. sad depressing news .. my prayers and condolences .. a brilliant stage artist a most compassionate and accomplished talent on film .. a writer of eminence ; in most of my very successful films .. a delightful company .. and a mathematician !! pic.twitter.com/l7pdv0Wdu1
— Amitabh Bachchan (@SrBachchan) January 1, 2019
لیجنڈ اداکار قادر خان کے انتقال پر فنکاروں نے اظہار تعزیت کیا ہے۔ بالی ووڈ کے بگ بی امیتابھ بچن نے ٹوئٹر پر اظہار تعزیت کرتے ہوئے کہاکہ قادر خان کے انتقال کی خبر سن کر بہت افسوس ہوا، وہ بہت بہترین آرٹسٹ تھے۔
اداکار انوپم کھیر نے بھی ویڈیو پیغام کے ذریعے افسوس کا اظہار کیا۔
اداکار ارجن کپور نے بھی افسوس کا اظہار کرتے ہوئے کہا آپ کے جانے سے بھارتی فلم انڈسٹری کو ہونےو الا نقصان کبھی پورا نہیں گا، اس کے ساتھ ہی انہوں نے آنجہانی اداکار قادر خان کے گھر والوں کے ساتھ اظہار یکجہتی کرتے ہوئے ان کے لیے صبر کی دعاکی۔
Mere pasandida abhineta aur lekhak Kadar Khan ji ke nidhan ki vaarta sunke mujhe bahut dukh hua.hamari film Industry ne ek bahut accha kalakar aur lekhak kho diya. Meri unko vinamra shraddhanjali.
— Lata Mangeshkar (@mangeshkarlata) January 1, 2019
بھارتی فلم انڈسٹری کی لیجنڈ گلوکارہ لتا منگیشکر نے قادر خان کو اپنا پسندیدہ اداکار اورمصنف قرار دیتے ہوئے کہا مجھے ان کی موت کی خبر سن کر بہت افسوس ہوا، ہماری فلم انڈسٹری نے ایک بہت اچھا فنکاراور مصنف کھودیاہے۔