ثانیہ مرزا نے اپنی ”ساسو ماں“ کے ساتھ انٹرنیٹ پر ایسی حرکت کر دی کہ کسی کی بھی ہنسی نہ رکے، دیکھ کر آپ بھی خوش ہو جائیں گے
جنوبی ایشیائی خطے میں رہنے والوں اکثر اس بات سے بخوبی واقف ہیں کہ لڑکی کو اچھا سسرا ملنا خوش قسمتی ہوتا ہے بالخصوص ساس اچھی مل جائے تو پھر دنیا ہی جنت بن جاتی ہے اور پاکستان کی اکثر خواتین اس بات سے متفق بھی ہوں گی۔
بھارتی ٹینس سٹار ثانیہ مرزا اس معاملے میں بے حد خوش قسمت ثابت ہوئی ہیں جنہیں شعیب ملک کی صورت میں بے حد پیار کرنے والا خاوند تو ملا ہی لیکن ایسی ساس بھی ملیں جو ان پرجان نچھاور کرتی ہیں اور اس کا ثبوت انٹرنیٹ پر وائرل ہونے والی ان کی تازہ ترین ویڈیو ہے، جس میں وہ اپنی ”ساسو ماں“ کیساتھ ایسی حرکت کر دیتی ہیں کہ کسی کیلئے بھی ہنسی روکنا ممکن نہیں رہتا۔کچھ روز قبل ثانیہ مرزا اور شعیب ملک نے ”ننھے مہمان“ کی آمد کا اعلان کیا تو پاکستانیوں کے ساتھ بھارتیوں کی جانب سے بھی مبارکبادوں کے ڈھیر لگ گئے۔
Cute ?? #SaniaMirza with her #Motherinlaw ❤ @realshoaibmalik @MirzaSania pic.twitter.com/dbO8EKp7CR
— Sumbul ✨ ?? (@Summiwajji) April 26, 2018
ثانیہ مرزا اور شعیب ملک دونوں ہی مختلف ممالک سے تعلق رکھتے ہیں اور ہر کوئی یہ ضرور سوچتا ہے کہ دونوں ایک دوسرے کے خاندان والوں کیلئے وقت کیسے نکالتے ہوں گے لیکن ثانیہ مرزا کا اپنی ”ساس“ کے ساتھ تعلق انتہائی دوستانہ معلوم ہوتا ہے اور انٹرنیٹ پر وائرل ہونے والی ویڈیو میں ان کے چہرے پر آنے والی ہنسی اس بات کی گواہی دیتی ہے کہ وہ ثانیہ مرزا کو اپنی بہو نہیں بلکہ بیٹی سمجھتی ہیں۔
اس ویڈیو میں دیکھا جا سکتا ہے کہ ثانیہ مرزا اپنی ساس کے ساتھ بیٹھ کر موبائل کیمرہ آن کرتی ہیں اور پھر ”کیٹ فلٹر“ استعمال کرتی ہیں جس کے باعث دونوں کے سر پر بلی جیسے کان نمودار ہو جاتے ہیں اور جب دونوں ہنستے ہیں تو منہ سے دل کی شکل کا بلبلہ نکلتا دکھائی دیتا ہے۔ ایسا ہی بلبلہ جب ثانیہ مرزا کی ساس کے منہ سے نکلتا ہے تو ان کی ہنسی دیکھنے والی ہوتی ہے۔
صرف یہی نہیں بلکہ اس سے قبل ثانیہ مرزا اور شعیب ملک نے سنیپ چیٹ پر ایک سٹوری بھی شیئر کی اور اس میں بھی فلٹر ہی استعمال کیا گیا۔ اس ویڈیو کو دیکھ کر یہ اندازہ ہوتا ہے کہ دونوں ایک دوسرے کیساتھ کتنا پیار کرتے ہیں اور کیسے ہنسی خوشی زندگی بسر کر رہے ہیں۔