یہ خاتون دراصل سعودی عرب کی اہم ترین شہزادی ہیں، ان کی یہ تصویر کہاں اور کس لئے لی گئی؟ ایسا انکشاف کہ پوری عرب دنیا حیرت میں ڈوب گئی
مشہور فیشن میگزن Vogue نے اپنے عرب ایڈیشن Vogue Arabia کے جون میں آنے والے شمارے کے سرورق کی رونمائی کردی ہے اور دیکھنے والے یہ دیکھ کر حیران رہ گئے ہیں کہ اس سرورق کی زینت کوئی اور نہیں بلکہ خود شہزادی حیفہ بنت عبداللہ السعود ہیں۔
عرب نیوز کے مطابق ووگ عریبیہ نے جون کے مہینے سے خواتین کو ڈرائیونگ کی اجازت ملنے کا جشن منانے کیلئے شہزادی کی تصویر سرورق پر لگائی ہے ۔ یہ اس میگزین کا سعودی عرب کے لئے وقف کیا گیا پہلا شمارہ ہے جس کے سرورق پر شہزادی حیفہ گاڑی کی ڈرائیونگ سیٹ پر بیٹھی سٹیرنگ وہیل پر ہاتھ رکھے نظر آتی ہیں۔
ووگ عریبیہ کے ایڈیٹر ان چیف مینوئل ارنات سرورق کی اس تصویر کے لئے شہزادی کے بے حد مشکور نظر آئے۔ ان کا کہنا تھا ’’عزت مآب شہزادی واقعی شاندار، باعزت اور مہربان خاتون ہیں۔ تین بچوں کی والدہ شہزادی اپنے وقت کو خاندان اور آرٹ کے درمیان تقسیم کرتی ہیں۔ جب میں نے جون کے شمارے کے سرورق کے لئے ان سے رابطہ کیا تو انہوں نے اس کیلئے رضامندی ظاہر کرکے ہمیں بہت عزت بخشی۔‘‘