سعودی سفیر کی عمران خان سے ملاقات، فرمانروا کا کیا پیغام پہنچایا اور عمران خان نے کیا کہا؟ بڑی خبر آ گئی
پاکستان تحریک انصاف (پی ٹی آئی) کے چیئرمین عمران خان سے سعودی سفیر نے ملاقات کی اور سعودی فرمانروا کا پیغام پہنچایا۔ عمران خان نے پاکستان اور سعودی عرب کے تعلقات کو مزید مضبوط بنانے کے عزم کا اعادہ کیا۔
نجی ٹی وی دنیا نیوز کے مطابق سعودی سفیر نے عمران خان سے ملاقات کی اور عام انتخابات میں برتری حاصل کرنے پر مبارکباد دیتے ہوئے سعودی فرمانروا کا پیغام بھی پہنچایا۔ ملاقات کے دوران عمران خان نے کہا کہ
خطے میں سعودی عرب کا کردار اہمیت کا حامل ہے اور پاکستان سعودی عرب کیساتھ تعلقات کو بہت اہمیت دیتا ہے، سعودی عرب کے ساتھ تعلقات مزید مضبوط بنائیں گے۔