’’ نواز شریف فیملی کی جڑیں بہت گہری ہیں‘‘ لوگ شریف خاندان کے لیے کس طرح کام کرتے ہیں؟ حسن نثار نے بتا دیا
تجزیہ کار حسن نثار نے کہاہے کہ نواز شریف فیملی کی جڑیں بہت گہری ہیں ، ہر جگہ ان کے ہمدرد موجود ہیں جو ان کیلئے آؤٹ وے جاکر کام کرتے ہیں ۔ تفصیلات کے مطابق نجی ٹی وی چینل کے پروگرام میں گفتگو کرتے ہوئے حسن
نثار نے کہا کہ نفیسہ شاہ نے بہت کھوکھلی بات کی ہے جس کے گھر چولہا نہیں جل رہا ، اس کی طرف سے ساری دنیا کو آگ لگ جائے ۔5انہوں نے کہاہے کہ انٹر پول کا حسن اورحسین نواز کے معاملے پر موقف درست ہوگا ، پہلی بات یہ ہے کہ ہم بہت نالائق لوگ ہیں ، ایسے ہی بڑی بڑی چھوڑتے ہیں، دوسر ی بات یہ کہ نواز شریف فیملی کی جڑیں بہت گہری ہیں ، ہر جگہ ان کے ہمدرد موجود ہیں جو ان کیلئے آﺅٹ وے جاکر کام کرتے ہیں۔پروگرام میں شریک حفیظ اللہ نیازی نے کہا
کہ انڈیا کے ساتھ جنگ کا خطرہ موجود ہے ، یہ بات ٹھیک ہے کہ انڈیا کی طرف سے خطرہ ہے لیکن اس کی وجوہات وہ نہیں ہیں جو حکومت دے رہی ہے ۔انہوں نے کہا کہ بھارت پاکستان کی معاشی دگرگوں اور ابتر کیفیت کا فائدہ اٹھانا چاہتا ہے ۔انہوں نے کہا کہ جب بھی ملک میں کوئی بحرانی کیفیت ہویہ حکومت کوئی نہ کوئی ایشو اٹھا دیتی ہے جس سے بے یقینی کی کیفیت پھیل جاتی ہے اور عوام کی توجہ بٹ جاتی ہے ۔