سٹیڈیم آنے والا ہر شخص یہ والے کپڑے پہن کر آئے؟ ڈیرین سیمی نے اپنے چاہنے والوں سے ’اپیل‘ کر دی،

پاکستان سپر لیگ (پی ایس ایل) فرنچائز پشاور زلمی کے کپتان ڈیرین سیمی کا کہنا ہے کہ کراچی تیار ہو جاﺅ ہم آ رہے ہیں اور اس کیساتھ ہی انہوں نے سٹیڈیم آنے والے ہر شخص سے پیلی شرٹ یعنی پشاور زلمی کی شرٹ پہن کر آنے کی ’اپیل‘ کر دی ہے۔

ڈیرین سیمی نے اپنے ویڈیو پیغام میں کہا کہ ہر کوئی کراچی سٹیڈیم آئے اور آپ لوگ پیلی شرٹس پہن کر آئیں اور ہر طرف پیلی شرٹس ہی دکھائی دینی چاہئیں۔ انہوں نے ”انشاءاللہ“ کا لفظ استعمال کرتے ہوئے پی ایس ایل فائنل میں کامیابی حاصل کرنے کی امید بھی ظاہر کی۔

واضح رہے کہ پی ایس ایل تھری کا فائنل پشاور زلمی اور اسلام آباد یونائیٹڈ کے درمیان 25 مارچ کو کراچی کے نیشنل سٹیڈیم میں کھیلا جائے گا۔ ڈیرن سیمی کی پاکستان سے والہانہ محبت کے بعد شائقین انہیں سیمی خان کے نام سے پکارنے لگے ہیں اور پورے پاکستان میں وہ ”ہیرو“ کا درجہ پا چکے ہیں۔