شہبازشریف کی اہلیہ نے نوازشریف کو بڑا جھٹکا دیدیا
وزیراعلیٰ پنجاب کی اہلیہ تہمینہ درانی خلائی مخلوق کی اصطلاح استعمال کرنے والوں کیخلاف میدان میں آگئیں اور استفسار کیا کہ کیا وطن کی خاطر شہید ہونیوالے خلائی مخلوق ہیں،کرنل سہیل عابد کی شہادت پر شدید صدمے میں ہوں۔
اپنے سلسلہ وار ٹوئیٹس اور مختلف لوگوں کے سوالات کے جوابات دیتے ہوئے تہمینہ درانی نے آرمی چیف کی شہید کے بیٹے کے ہمراہ آخری دیدار کی تصویر شیئرکرتے ہوئے لکھاکہ ”ایک بات دھرتی کے بیٹے کو سیلوٹ کرتاہے ۔۔۔ یا وہ خلائی مخلوق ہے؟کیا کرنل سہیل عابد شہید خلائی مخلوق ہے “۔
انہوں نے لکھاکہ ” اگرآپ کا سوال موزوں ہوتو جواب بھی مل جاتاہے“
ایک سوشل میڈیا صارف کی طرف سے اپنے جیٹھ اور شوہر سے پوچھنے کے تبصرے پر تہمینہ درانی نے لکھاکہ ” میرا اپنا ذہن ہے ، میں مفاد میں دنیا کو متاثر کرنے پر عقیدہ رکھتی ہوں، میرے شوہر کی فیملی مجھے قبول نہیں کرتی، اس لیے مہربانی کرکے مجھے صرف شہبازشریف کیساتھ جوڑا جائے لیکن میں کبھی اپنی قوم کے مفاد میں بولنانہیں چھوڑوں گی “۔
کیا یہی سوال شہبازشریف سے پوچھا گیا کے جواب میں تمینہ درانی نے لکھاکہ ” دہشتگردی کے خلاف جنگ میں بہت سی زندگیاں قربان ہوئیں، میں صرف یہ پوچھ رہی ہوں کہ شہید سہیل عابد بھی کیا جس کا ذکر ہوچکا ہے ، خلائی مخلوق تھا؟.
یہاں یہ امر بھی قابل ذکر ہے کہ بعدازاں یہ ٹوئیٹس تمینہ درانی نے ڈیلیٹ کردیئے ہیں۔