وزیراعظم ہاؤس کی بھینسیں خریدنے والے انہیں اب کہاں لے جا رہے ہیں؟ بڑا اعلان کر دیا گیا
وزیراعظم ہاؤس کی بھینسیں نیلام کرنے کا اعلان کیا گیا تھا، جن کی نیلامی جمعرات 27 ستمبر کو ہوئی، وزیراعظم ہاؤس میں موجود 8 بھینسیں 23 لاکھ دو ہزار روپے میں نیلام ہوئیں اس نیلامی میں سب سے مہنگی بھینس 3 لاکھ 85 ہزار روپے میں نیلام ہوئی ہے۔
اس نیلامی میں لیگی کارکنوں نے خوب دلچسپی لی اور پہلی بھینس جھنگی سیداں کے ایک خریدار قلب عباس نے خریدی
قلب عباس نے پہلی بھینس کی بولی لگا کر اسے خرید لیاہے اور جب ان سے پوچھا گیا کہ انہوں نے ایک بھینس تین لاکھ 85 ہزار روپے میں کیوں خریدی تو کہنے لگے کہ میں نے یہ بھینس سابق وزیراعظم نوازشریف کی نشانی سمجھ کر خریدی ہے ۔وزیراعظم ہاﺅس میں دوسری بھینس تین لاکھ روپے میں جبکہ تیسری بھینس تین لاکھ تیس ہزار روپے میں خرید لی گئی ہے ۔
یاد رہے کہ پی ٹی آئی کی حکومت نے عہدے سنبھالتے ہی سادگی اپنانے کا اعلان کرتے ہوئے وزیراعظم ہاﺅس کی اضافی گاڑیاں نیلام کرنے کا اعلان کیا تھا اور ایک ہفتہ قبل 33 گاڑیاں نیلامی کر دی گئیں تھیں ۔