وزیر اعظم عمران خان ای ایس ای کے ہیڈ کوارٹر پہنچ گیے- اس بار کتنے گھنٹے کی بریفنگ دی
وزیر اعظم عمران خان نےکہا ہے کہ آئی ایس آئی دنیا کی بہترین انٹیلی جنس ایجنسیز میں شمار ہوتی ہے جو ہماری پہلی دفاعی لائن ہے۔انہوں نے آئی ایس آئی ہیڈ کوارٹر کا دورہ کیا جہاں چیف آف آرمی سٹاف جنرل قمر جاوید باجوہ اور ڈی جی آئی ایس آئی لیفٹننٹ جنرل نوید مختار نے انہیں 8گھنٹے کی بریفنگ دی ۔وفاقی وزیر اطلاعات فواد چوہدری نے کہا ہے کہ وزیراعظم عمران خان نے وفاقی وزراءکے ہمراہ آئی
ایس آئی ہیڈ کوارٹرز کا دورہ کیا جہاں آرمی چیف جنرل قمر جاوید باجوہ اور ڈی جی آئی ایس آئی نوید مختار نے ان کا استقبال کیا ۔آئی ایس آئی ہیڈ کوارٹرز میں وزیراعظم عمران خان نے اجلاس کی صدارت کی اور اس دوران انہیں 8گھنٹے طویل بریفنگ دی گئی۔اس موقع پر وزیراعظم نے کہا کہ حکومت اور عوام ان اداروں کی بے مثال کامیابیوں کو تسلیم کرتے ہیں۔وزیراعظم نے قومی سلامتی اور دہشت گردی
کیخلاف جاری کوششوں پر آئی ایس آئی کے کردار کو سراہا۔ دوسری جانب آئی ایس پی آر کی جانب سے جاری بیان میں کہا گیا کہ وزیراعظم عمران خان آئی ایس آئی ہیڈ کوارٹرز پہنچے تو آرمی چیف اور ڈی جی آئی ایس آئی نے ان کا استقبال کیا ۔اس موقع پر وزیراعظم عمران خان نے یاد گار شہدا پر پھول چڑھائے اور فاتحہ خوانی کی ۔بیان کے مطابق وزیراعظم عمران خان کو سٹریٹجک انٹیلی جنس اورنیشنل سیکیورٹی پر تفصیلی بریفنگ دی گئی ۔
واضح رہے کہ اس سے قبل وزیراعظم عمران خان نے وفاقی وزراءکے ہمراہ جی ایچ کیو کا بھی دورہ کیا تھا جہاں انہیں 8طویل بریفنگ دی گئی تھی ۔